|
|
|
|
JÖ SCHAU
neilich sitz' i umma hoiba zwa im hawelka bei a poa wuchtel'n und bei an bier auf amoi gibt's beim eingang vuan an mord's trara weu a nackerter kummt eine bei der tür' da oide hawelka sagt: "suach ma an platz" owa sie macht an patz'n bahö' weu sie mant, dass sowas da net geht und er soll si schleich'n, aber schnö
jö schau, so a sau, jössas na was macht a nackerter im hawelka geh wui, oiso pfui, meiner söh hörst i schenierat mi an seiner stöh einer ruaft: "a wahnsinn, gebt's eam was zum anziehn!" doch sein freindin mant: "geh fesch, endlich aner ohne wäsch'" jö schau, so a sau, jössas na was macht a nackerter im hawelka
der ober fritz sagt: "wir sind hier ein stadtcafé und was sie da mach'n is a schweinerei" ein alter schauspieler wiederum meint: "aber, geh, also i find' da garnix dabei drauf sagt der nackerte: "moment, moment sie wissen wohl nicht wer i bin, a wann mi kaner kennt, i bin sehr prominent als elegantester flitzer von wien."
jö schau, so a sau, jössas na was macht a nackerter im hawelka geh wui, oiso pfui, andrerseits a so a nackerter, hat a sein' reitz mach ma halt a ausnahm' san wir heut'ned grausam weu ein bohemienlokal pfeift auf spießbürgermoral jö schau, so a sau, jössas na was macht a nackerter im hawelka
jö schau, so a sau |
Musik: Georg Danzer Text: Georg Danzer Verlag: Edition Giraffe Copyright: 1975 Platte: JÖ SCHAU
Es wird ausdrücklich darauf
hingewiesen, daß das herunterladen des Textes nur
für den Eigengebrauch gestattet ist.