Dann Geht’s Da Guad

Tua ned des was da die andern sagn
und verlass di auf dei G’füh im Mag’n
sag ned: mir gehts wia die andern wolln
weu die andern soll da Teufel hol’n
dann geht’s da guad …
Glaub ned alls, was in da Zeitung steht
weu so billig is die Wahrheit ned
nutz dei Hirn und nutz dein Hausverstand
nimm dei Lebn selber in die Hand
dann geht’s da guad …

Und wanns da guad geht
dann fühlst di glücklich, jung und frei

wannsd liab sei zu dir selber kannst
dann kannst a liab zu andere sei‘

Und was Liebe und a Sex betrifft
die Gewohnheit is‘ des reine Gift
nur a Frau a Leb’n lang, des is dumm
Bursch’n, seids ned deppert, schauts euch um
dann geht’s euch guad …

Und zu guter Letzt des liebe Geld
sicher wichtig, aber ned die Welt
weu ins Grab mitnehma kannst es ned
drum genieß dei Leb’n, solang wias geht
dann geht’s da guad …

Und wann’s da guad geht
dann fühlst di glücklich, jung und frei
wannsd‘ liab sei zu dir selber kannst
dann kannst a liab zu andere sei‘ …