Ich… Ich Bin Der Mörder (hahahahaha)

seit 17 joa spüh i die söwe rolln im söwen stück
in so an klan theater da in wien
i hab im dritten akt an kurzen auftritt und an satz
der gibt dem ganzn stückl erst sein sinn
wann i ned auf die bühne komm, dann stengan alle au
weu ohne mein erscheinen nicht mehr weitergschbühd wern kau
die depperten kollegen die san aufghaut ohne mi
weu dieser satz das stichwort is für sie:
Ich…bin der mörder ha ha ha ha ha

doch gestern hab i’s hängen lassen, weu mir wars zu blöd
daß der sofleur andauernd intrigiert
er tuschelt immer: diese rolle liegt eam owa ned –
doch er, er wär dafür prädestiniert
no, i hab ma gsagt, solln schaun wias weiterkommen ohne mi
bin sitzenbliebn in da kantin bei einem henessy
von unten hab is pfeifen ghört, des ganze publikum
und hab mir denkt, jetzt schaun sie aber dumm
Ich…bin da mörder ha ha ha ha ha

doch leider war die gschicht fia mi a riesen eigentor
weu der sofleur hat seine chance erkannt
is plötzlich aus sein kastl ghupft und auf die bühne vor
ein so ein hundsgemeiner intrigant
dann hat er meinen satz gesagt, ganz frech und ungeniert
die leut ham gschrian: ein mörder gag! ham g’lacht und applaudiert
der herr direktor hat mi umbesetzt zum Billeteur
und meinen satz den spricht jetzt der souffleur:
ich … bin der mörder ha ha ha ha ha

no, daß i ma sowas gfalln laß, des braucht jetzt kana glaubn
ich hab geplant: der intrigant muaß weg
i laß ma doch von so wem ned mei lebensstellung raubn
i bring den miesen nuschler … ums eck
no, i hab eam in sein doppler zyankali einegtau
drauf is er auf da bühne auszuckt wie a ang’stochene sau
is theatralisch gstorbn und hat dabei auch noch outriert
und ich hab vom Parkett aus deklamiert:
ich … bin der mörder ha ha ha ha ha

de polizei is kommen und ma hat gleich mich verhört
weu i natürlich sehr verdächtig war
der kommissar hat gsagt: des leugnen hat doch gar kan wert
weu ihr motiv is rache, – sonnenklar !
na ja, und dann hat er mir versprochen, lieber herr, sie werden sehn
sie kriagn die hauptrolln vor gericht, wenn sie die tat gestehn
a so a waunsinnsangebot, des schlagt ma halt ned aus
und daher spiel ich jetzt im grauen haus
ich … bin der mörder ha ha ha ha ha