Raritäten

I hab so an Freund, an bled’n
der macht sich so rar, i tät’n
oft am liabst’n in die Go haun
deppert tätert der dann scho schaun

’s Leb’n besteht aus Raritäten
und wanns ned so war i hätt’n
Raritätenpreis erfunden
für besonders seltne Stunden

’s Leb’n besteht aus Raritäten
drauf mecht meine Haar i wetten
mach dich selten wirst was gelten
hier und auch in andren Welten

du kannst auf Safari jetten
in die Kalahari-G’stett’n
’s Leb’n wird voller Raritäten sein

’s Leb’n besteht aus Raritäten
sehr skurillen und auch netten
glaubts ma des, ihr Ignoranten
weu das Glück, so es vorhanden

spüht auf kaner Klarinetten
tät‘ selbst am Altar i beten
war i nimmer mehr zum retten
’s Leb’n besteht aus Raritäten

manche Geiger in der Fetten
wann’s a Stradivari hätten
tragertens‘ an ana Ketten
weu so Geig’n san Raritäten

dass sie keiner ihnen fladert
weus‘ ja ziemlich selten warat
’s Leb’n kann voller Raritäten sein