"i hab scho so
fü liada gschriebn"

WIE WOA WEIHNACHTEN

oida Mau, du bist scho 100 Joa
dazöh ma wia des woa – Weihnachten
i hab scho davon glesn, sag wia is des gwesen
wie woa Weihnachten?

oida Mau, und sag ma was is Schnee
is Schnee so kalt wia Eis und wirklich wahr so weiss
so weiss wia deine Hoa, sag ma wia des woa
wie woa Weihnachten?

pass auf, Burli, Weihnachten des woa
des schönste Fest im Joa
no und da Schnee, der fallt vom Himmel
so weiss ois wia a Schimmel
a Schimmel is a Pferd, des Wort hasd no ned ghört?
no ja, owa so woa Weihnachten

oida Mau, erklär ma des genau
weu i ma des ned vorstelln kau, wie war Weihnachten
und bitte was san Stern, de leuchtn in der Fern'
wie war weihnachten?

pass auf Burli, i siech des no in meine Tram
da war amoi a Christbam mit Kerzn
und Friedn woa in olle Herzn
und dann war da no 1000 Lichter und glückliche G'sichter
die Oidn und die Jungen ham olle gsungen
pass auf: Stihille Nacht, Heilige Nacht, jawohl, des war des Liad
wo's dazöhn, wias Jesuskind geborn wird,
was des kennst du alles ned?
na ja des is natürlich bled
owa so, so war Weihnachten

oida Mau, was war des für a zeit, was is Glückseligkeit wie war Weihnachten
und sag was is passiert
dass nimmer g'feiert wird – Weihnachten

pass auf Burli, da war amoi a grosser Kriag
und dann is owegfalln de Bombn und in de Katakomben
hams owemiassn de Leut und da lebn mir no heit
und nix is mehr min Schnee und mit da Glückseligkeit
und mit de Zimtstern und mit die Lichter
und mit die glücklichen G'sichter
und mit de mit de Schneeflockerln
und nix is mehr mit Weihnachten
mei liawa Gott, weu des is lang vorbei und tot
und mir werns nimmermehr dalebn
owa wann's in a paar hundert Joa den Deckel da obn wieder hebn
dann wirds vielleicht wieder Weihnachten gebn

oida mau, jetzt wass is ganz genau,
jetzt wass i wia des woa Weihnachten
i wollt, i hättert gelebt vor über hundert Jahr zu Weihnachten

VERWANDTE ALBEN

Nahaufnahme
Nahaufnahme
Die größten Hits aus 25 Jahren
Die größten Hits aus 25 Jahren


VERWANDTE SINGLES

Wie woa Weihnachten?
Wie woa Weihnachten?