Wer Ma‘ Wirklich Is‘

Was wird sei, wann nix mehr is‘?
Wird all’s sei‘, wia wann nix g’wesen war?
Oder wird’s so weitergeh‘
ohne dass ma’s merkt?

Is die Liebe nur a Film?
Spühd ma‘ dann a ganz a neue Roll’n?
Schmikt ma‘ si am End nur oh
wia a Komödiant?

Waß ma‘, wer ma‘ wirklich is‘?

Was wird sei, wann nix mehr is‘?
Wird all’s sei‘, wia wann nix g’wesen war?
Büld ma‘ si‘ des alles nur ein
weu ma‘ si’s so wünscht?

Waß ma‘, wer ma‘ wirklich is‘?